المساعد الشخصي الرقمي

مشاهدة النسخة كاملة : ابي علاج الخواء .. زواجي بعد 3 اسابيع


شموخ المملكه
10-21-2010, 12:35 AM
مساء / صباح الخير

أخباركم إن شاء الله تمام...........

بدخل بالموضوع على طول انا باقي ع زواجي 3 أسابيع بالضبط

بس المشكله إني خويانه استخدمت نظام الفيفا كامل ومافاد

إستخدمت البخور مافاد

اكلت رشاد وحلبه وحبه سوداء بعد مافاد


وش الحل تكفون لا تهملون الموضوع

وعندي سؤال إذا كنت خويانه هل يأثر هذا علي يعني ماراح اكون عذراء؟

وشو التأثير الي ممكن يصيبني لو ماتعافيت؟

الله يجزاها كل خيرويحقق لها الي تبيه الي ترد علي

Princess
10-21-2010, 12:41 AM
ياليت اعرف كنت ساعدتك
الله يشفيك ..

شموخ المملكه
10-21-2010, 12:53 AM
آمين

والله يجزاك خير

لحظة وداعك
10-21-2010, 02:48 AM
ليش انتي تقولين عن نفسك كذاااااااااا
يمكن مافيك شي بس انتي موسوسه
اويمكن اللي فيك اشياء طبيعيه
قولي وش تحسين به بالضبط يمكن فيناااا كلنا بس انتي موسوسه

احسن لك روحي لحرمه تعرف تعالج وموثوق علشان تحنثك هذا ياطويلة العمر العلاج الوحيد للبناااات
واهتمي بنفسك ايام الدورررره مرررره

وبقولك شئ حلو اذا كنتي تحسين برطوبه و و و
انا جربت قشر الرمان مطحون بس احطه مع الشاي
بس انتي لاااااااااااااااا حطيه مع عسل طبيعي ووقت الصباح مره
وبالليل مره مرررررررررررررره حلو :s2:

أسـيــ حـبـهـ ــرة
10-21-2010, 03:08 AM
اهلين حبيبتي

مشكلتك لازم تشوفها معالجه عشان تقرر اذا انتي مريضه ولا

وبالنسبه لسؤالك مايأثر عليك لا تخافين :8:

الله يشفيك

splendor
10-21-2010, 08:18 AM
أنتي طيب كيف عرفتي إنك خويانه مثل ما يسمونها ؟؟

اللي أعرفه وعن تجربه ان نظام فيافي ممتاز وتطبيقه سهل :o:

وعموما اللي سألتي عنه ماله دخل بمرضك لو كنتي مريضه فعلا لا قدر الله :34333:

وبعدين يمكن انتي صح مشيتي على نظام فيافي لكن بالغلط

شلون ..؟؟ أفهمك

يعني ممكن انك متبعه خلطة اللهوم الصباح وبعدها فطور الخبز البر او المعصوب لكن ما تاكلينها الصباح يمكن تاكليها قريب من وقت الظهر وهذا أكبر غلط :pullhair:

ويمكن تتبخري بالبخور المعروف لكن طريقة جلستك او المكان يكون غلط يمكن تتبخري بغرفة فيها شباك او مروحه او ما تتغطين كلك وقت البخور :10__:

عموما الحريم المعالجات هم أدرى بهالأمور

ويااارب ما يكون فيك شي [-O<

anoo
10-21-2010, 02:02 PM
اعرف وحده تبيع اعشاب خواء مررره زينه بــ100 زينه تنزل منك مويااات وهاذي معناته ان الخوى نزل منك واذا جفيتي اعرفي انه رااح منك

محبه للخير
10-21-2010, 02:22 PM
هلا قلبي
شوفي
اولا انصحك بتطبيق نظام فيافي بحذافيره
ثانيا خوذي قشر الرمان مطحون مع عسل او مع مويه مررره حلو
مع الدوره لازم لازم تستخدمين رشاد مع التمر مع سمن بري والله والله انا محاكيتك مجربته يجنن وبعدين الحريم الاولات يسمونه ربيب الارحام لانه يربها مثل ما ترب الدلال ويخليها تلق من النظافه بدون مويات ولا هوا ولا شئ هذا اهم شئ خليه حلقه بأذنك
الحلبه لا تشربيها في الايام الاولى من الدوره لانها تنزل المويات وترخي الارحام بس اشربيها في اليومين الاولات اذا كانت دورتك رباعيه (اربع ايام)
واهم شئ المحظورات في النظام تبتعدين عنها اجبري نفسك على تركها
وابلسي شراب وقت الدوره ..
واشربي كل شئ ساخن ليييش لان البارد يجمد الدم في الارحام واذا جاتك الدوره اللي بعدها تألمك وماتنزل بسهوله
الله يشفيك انشالله ومبروك الزواج مقدما
ولاتنسيني من دعواتك

حكاية قلب
10-21-2010, 02:29 PM
طيب وشووو الخواء ؟

ماافهمت السؤال عشان اساعدك

Ĥаหеêŋღ
10-21-2010, 02:31 PM
الله يشفيك أختي..
ومافيه إلا إنك تروحين لمعالجه تشوف حالتك ..
ماتشوفين شر :rose:

شموخ المملكه
10-21-2010, 03:09 PM
جزاكم الله خير كل من رد ومر

والله يحقق لكم الي تمنونه


بالنسبه النظام الفيافي صح إنتبعته بس صح كنت افطرالظهر

والبخور إستخدمته يوم واحد وخفت يضر فيني عشاني بنت وتركته


وابي أعرف وش مكونات البخور لإني شريته من العطار واخاف إنه موب نفسه


مااقدر اروح الحرمه تعالجني ظروفي ماتساعدني

roo7 dade
10-22-2010, 04:48 AM
لاتحاولين ياعمري الخوا عالجه تحصلينه عند الحريم الشعبيات شوفي بسطة الحريم القديمه فيها حريم يعالجون والكل يمدحهم العلاجات والخلطات والبرامج ماتسنع ولاتفيد ويمكن تستخدمينها بطريقه خطا وتضرك
لا تهملين عمرك روحي للحريم وبس ومالح ومال الخلطات والبرامج

ή 3 Ő м ά
10-22-2010, 06:42 AM
م بعرف بث لاتستخدمين خلطات وخرابيطو من عند العطـآر ومدري شو

املي بالرزاق
10-22-2010, 10:44 AM
كيف عرفتي انك خويانه !
عندي لك اسئله كثيره :p
لو الرسايل تشتغل عندك :3__:
انا حاسه انك مبالغه ومافيك شي ان شاء الله
ع العموم فيه لهوم حلو تاكلينه اذا انتي فيك هوا و اذا مافيك تحافظ عليك وقت الدوره
اذا حابه كتبته لك وهو سهل مرره
الله يسعدك ويوفقك بحياتك @};-

شموخ المملكه
10-22-2010, 09:30 PM
جزاكم الله خير وماقصرتوا كلكم


املي بالرزاق ,, تسا ليني وشلون عرفت اني خويانه انا يطلع مني هواء بعد الوضوء ورطوبه وهواء اذا مشيت
وبالنسبه للحريم والمدايات ماقدر اروح لهم لكن لو تعرفون خلطه اقدر اسويهاا بالبيت قولولي عليهاا وجزاكم الله خير كلكم والله يفرج همي وهمومكم ويحقق لكم كل امانيكم

املي بالرزاق
10-22-2010, 10:24 PM
شوفي يالغاليه
ان شاء الله انها افرازات طبيعيه
ترى كل بنت يجي معها افرازات طبيعيه وعاديه
بالعكس اللي تكون ناشفه مره هاذي لازم تتعالج
لان هالافرازات تحمي المنطقه وترطبها
الكلام مو من عندي هذا كلام اطباء وناس عارفه

ع العموم عشان ترتاحي بقولك هاللهوم وهو ان شاء الله بينفعك ولا راح يضرك
كنتي خويانه او لا



بذاير ستينيه بدون حلبه اطلبيها من العطار نقول مثلا ب10 ريال
ويخلط معاها سكر نبات ع حسب اللي تبينه مثلا ب3 ريال


وتسوي ابريق فيه كمون وقرفه تطبخيها زين سواء تطبخ وتشربي منه كاسين باليوم
والافضل يكون دافي واذا بغيتي تحلينها عادي


والخلطه الاولى تطحن وتستخدم ثلاث الى اربع مرات
باليوم ملعقه كبيره مع حليب دافئ

ابدي بهالعلاج من ثاني يوم بالدوره او ثالث يوم
لمدة شهر
وهي مفيده بالمره للهوا و الغازات واشياء كثيره
و البنت اللي ماتحس بخوا تشربها لليوم العاشر وبس

يارب تفيدك @};-
وتدعين لي بالهدايه واني احافظ على الصلاه وتحقيق اللي بالي < ماخلت شي < مااذكرتكم باحد يشحد عند الجامع :9LL9-e0754ef5d9:

فجوري
10-23-2010, 12:07 AM
اختي تبين تعرفين اذا فيك خواء ولا لا:10__: اذارحتي دورت المياه حاولي تمسكين اذا ماقدرتي هاذا عندك خواء اما اذا مسكتي مافيك الا العافيه:323232: والبخور مايصلح للبنات لانه اثر علي الغشاء [-X واهم شي انك تتنشفين المنطقه بفوطه مخصصه او مناديل حمام بعد كل :7: وتتوظين بملح ومره وتبتعدين عن الصابون والمطهرات الي فيها رغوه;)) وستخدمي مطهر بيتادين حلو بعد
:048:نسيت اقولك
اذا كانت الافرازات اخضر او ابيض مثل الحليب هاذا التهابات لازم تروحين للدكتوره اما اذا افرازات عاديه عادي وعيد اكرر اهم شي التنشيف لان الماء الرطوبه تسبب البكتيريا :-t وتمني لك الشفاء العاجل ولاتوسوسين انشالله مافيك الا العافيه[-O<

حكاية قلب
10-23-2010, 12:34 AM
طيب بلييييز قولولي وش الخواء

وكيف يجي بالبنات اللي مو متزووجات

الغيلم
10-23-2010, 12:12 PM
الله يشفيج ياقلبي

splendor
10-23-2010, 12:55 PM
طيب بلييييز قولولي وش الخواء

وكيف يجي بالبنات اللي مو متزووجات

بأختصار هذا الخواء يجي من الاسباب التالية :

1- عدم الاهتمام بوجبة الإفطار وتركها لحد الظهر أو لبعد الظهر يعني تجلسين على لحم بطنكـ نص اليوم .
2- وقت الدورة تهملين نفسك من ناحية شرب الاعشاب مع الحليب الساخن لتنظيف وتطهير الرحم من الأوساخ .
3- استخدام بعض أنواع الملابس الداخلية النايلون -غير الصحية - وإهمال المنطقة الحساسة من ناحية النظافة الشخصية والتجفيف . كثير يتركون المنطقة رطبه وتتكون فيها بكتيريا وممكن هالبكتيريا تدخل المنطقة وتسبب التهابات عديدة .
4-في بات يكثرون من استخدام الحلبة على بالهم كثرتها زينه وهي من أول أسباب تكون المويات ونزول الارحام .

وحسب معلوماتي البنت والمتزوج وقت الدورة لازم تهتمين بنفسك من ناحية الاكل والشرب .. وحاولي وقت ما تخلصين الاستحمام ما تتعرضين للهواء لازم وقت الدورة تتدفين زين وتلبسين شال على راسك وشرابات برجولك وتتفادي تيارات الهوى قد ما تقدرين .

هذي المعلومات اللي عندي

وعموما العلاج رقم واحد هو الرشاد مع التمر والحوايج مع الحليب والنظاااافة الشخصية ..

ربي يشفينا جميعا ويبعد عنا كل شر .

Ĥаหеêŋღ
10-23-2010, 02:28 PM
ماشاء الله عليكم بنات ماقصرتوا :8:
إن شاء الله أختي استفدتي والله يشافيك..:rose:

الحياة مبدئ
10-31-2010, 11:19 PM
روحي لحرمه خبره في هالامور

معالي الوزيره
10-31-2010, 11:34 PM
الخوا مشكله ولازم تتعالجين[-X

كثري شرب قرفه مع كمون روووووعه خاصه بايام الدوره :s2:

Queen+
11-03-2010, 05:36 PM
ياقلبي لو اعرف العلاج كان ساعدتك :27:
لكن مالك عندي غير الدعاء أن الله يتمم عليك الشفاء العاجل
والف مبروك مقدماً

عصفوره الغربه
11-13-2010, 02:23 PM
مرحبا
حبيبتي اللي اعرفه ان البنت البكر ماتخوى
مايخوى الا المتزوجه
يمكن اللي فيك شويه هواء في الرحم بس انصحك روحي لام سعيد زوجه الصياد المعالجه وحده من صديقاتي كانت مثلك وعالجتها في اسبوع
والله يوفقك ياقلبي ويتمم زواجك ع خير
ويرزقك الابناء البارين بك
لك ودي